Famous couplets

[mastraam]

Roz-marrah ki zindagi mein kai baar apni baat ko jaam'e andaaz se kehne ke liye ham ashaar ya misron ka istmaal karte hain, Yeh ashaar aur misre zarb-ul-misal ki haistat ikhtiyaar kar gaye hain. Magar in mein se bahut misre aise hain jin ka doosra misra hamein maaloom nahi hota. Aise hi kuch ashaar pesh-e-khidmat hain--


Nikalna Khuld se aadam ka sunte aaye the lekin
"bahut be-aabru ho kar tere kuche se ham nikale" (Ghalib)
**********

Bahut ji Khush hua Haali se milkar
"abhi kuch log baaqi hain jahaaN mein" (Haali)
**********

Akhir gil apni sarf-e-maikada hui
"pahuNchi vaheen pe Khaak jahaaN ka Khameer tha" (Jahandar Shah)
**********

Sun to sahi jahaaN mein hai tera fasaana kya
"kehati hai tujh ko Khal'q-e-Khuda Ghaa'abaana kya" (Haidar Ali Aatish)
**********

Agar baKhashe zah-e-qismat,na bakhashe to shikaayat kya
"sar-r-tasleem Kham hai jo mizaaj-e-yaar mein aaye" (Nawab Asghar Ali)
**********

Vas'l ka din aur itna muKh'tasar
"din gine jaate the is din ke liye" (Akbar Ilaahbadi)
**********

Ab udaas phirte ho sardiyoN ki shaamoN mein
"is tarha to hota hai is tarha ke kaamoN mein" (Shoaib bin Aziz)
**********

Ham taalib-e-shohrat haiN hameN naNg se kya kaam
"badnaam agar hoNge to kya naam na hoga" (Shefta)
**********

Dil ke aaine main hai tasveer-e-yaar
"jab zara gardan jhukai dekh li" (Munshi Maji Raam)
**********

Aqal aaraai-o-tadbeer se kya hota hai
"wohi hota hai jo manzoor-e-khuda hota hai" (Irshaad Lucknavi)
**********

"Bahut shor sunte the pehlu mein dil ka"
jo cheera to ek qatra-e-KhuN na nikala (Aatish)
**********

"Yaad-e-maazi azaab hai yaa rab"
cheen le mujhe se haafiza mera (Akhtar Ansaari)
**********

Chala jaata hun haNsta khelta mauj-e-havaadis mein
"agar aasaaniyaaN hoN to zindagi dushwaar ho jaaye" (Asghar Govandi)
**********

"Ham aah bhi karte hain to ho jaate hain badnaam"
woh qatal bhi karte hain to charcha nahi hota (Akbar Ilahbadi)
**********

Zameen-e-chaman gul khilaati hai kya kya
"badalta hai raNg aasmaaN kaise kaise" (Aatish)
**********

"Hazarat-e-Daagh jahaaN baiTh gaye baiTh gaye"
aur hoNge teri mehafil se ubharne wale (Daagh)
**********

Qareeb hai yaaro roz-e-mehshar, chupega kushton ka khooN kyunkar
"jo chup rahegi zaban-e-khanjar, lahu pukaarega aasteeN ka"
********** (Ameer Meenai)

Shikast-o-Fateh miyaaN ittefaaq hai lekin
"muqaabla to dil-e-naatvaaN ne khoob kiya" (Mohammed Yarkhan Ameer)
**********

"Umar guzri hai isi dasht ki sayyahi mein"
paanchveeN pusht hai shabbeer ki maddahi mein (Meer Anees)
**********

Dil ke phaphole jal uThe seene ke daaGh se
"is ghar ko aag lag gaye ghar ke chiraaGh se" (Pandit Mehtaab Rai TabaN)
**********

BhaaNp hi lenge ishaara sar-e-mehafi jo kiya
"taDne vale qyaamat ki nazar rakhte hain" (Johar Farukh Aabadi)
**********

Khirad ka naam junuN paD gaya, junuN ka Khirad
"jo chaahe aap ka husn-e-karishma saaz kare" (Hasrat Mohani)
**********

Phool to do din bahar-e-jaaN fiza dikhla gaye
"hasrat un GhunchoN pe hai jo bin khile murjh gaye" (Zauq)
**********

Khat unka bahut khoob, ibaarat bahit achchi
"allah kare zor-e-qalam aur zyaada" (Daagh)
**********

TaNg dasti agar na ho Saalik
"tandrusti hazaar n'aimat hai" (Mitza Qurban Baig Saalik)
**********

Itni na baDha paaki-e-daamaaN ki hikaayat
"daaman ko zara dekh zara band-e-qaba dekh" (Shefta)
**********

Aap hi apni adaaoN pe zara Ghor kareN
"ham agar arz kareNge to shikayat hogi" (Meer Vazeer Ali Saba)
**********

Ghazal us ne cheDi mujhe saaz dena
"zara umar-e-rafta ko aawaaz dena" (Safi Lukhnavi)
**********

Gham-e-hasti ka Asad kis se ho juz marg ilaaj
"shama har raNg mein jalti hai sehar hone tak" (Ghaalib)
**********

Nairangi-e-siyaasat-e-dauraaN to dekhiye
"manzil unhe mili jo shareek-e-safar na the" (Mohsin Bhopaali)
**********

Eid ka din hai, gale aaj to mil le zaalim
"rasm-e-duniya bhi hai, mauqa bhi hai dastoor bhi hai"
********** (Qamar Badayuni)

"Qismat ki khoobi dekhiye tooti kahaaN kamand
do chaar haath jab keh lab-e-bam reh gaya" (Qaayam Chaandpuri)
**********

Adaa-e-Khaas se Ghalib hua hai nukta sara
"Salaa-e-aam hai yaaraan-e-nukta daan ke liye" (Ghalib)
**********

"Hain kavaakib kuch nazar aate hain kuch"
dete hain dhoka yeh baazigar khula (Ghalib)
**********

Achchi surat bhi kya buri shai hai
jis ne Daali buri nazar Daali (Kaif)
**********

Main akela hi chala tha jaanib-e-manzil magar
log saath aate gaye aur kaarvaaN banta gaya (Majrooh)
**********

Uljha hain paaoN yaar ka zulf-e-daraaz mein
"lo aap apne daam mein sayaad aa gaya" (Momin)
**********

"Vujud-e-zan se hai tasveer-e-kaayenaat mein rang"
usi ke saaz se hai zindagi ka soz-e-daruN (Allama Iqbal)
**********

Phirte hain Meer Khuwaar koi poochta nahi
"Is aashiqui mein izzat-e-saadat bhi gaye" (Meer)
**********

Laye us but ko ilteja karke
"kuf'r toota Khuda Khuda karke" (Pandit Dayashankar Naseem)
**********

RaNj se Khu-gar hua insaaN to miT jaata hai raNj
"mushkileN mujh per paDeen itni keh aasaaN ho gayeeN" (Ghalib)
**********

Yeh ajeeb maajra hai keh b'roz-e-eid-equrbaaN
"vohi zib'ha bhi kare vohi le sawaab ulTa" (Mushafi)
**********

Baja kahe jise aalam use baja samho
"zabaan-e-Khalq ko naqqaara-e-Khuda samjho (Zauq)
**********

Vaaye naadaani keh waqt-e-marg yeh saabit hua
"khvaab tha jo kuch keh dekha jo suna afsaana tha" (Meer Dard)
**********

BaiTh jaata huN jahaaN chaaoN ghani hoti hai
"haaye kya cheez Ghareeb-ul-vatani hoti hai" (Hafeez Jaunpuri)
**********

Laga raha hun mazaameeN-e-nau ke phir aNbaar
"khabar karo m're Khurma ke Khosha cheenoN ko" (Meer Anees)
**********

Khyaal-e-khaatir-e-ehbaab chaahiye har dam
"Anees THes na lag jaaye aab-geenoN ko" (Meer Anees)
**********

Qatl-e-Husain asl mein marg-e-Yazeed hai
"Islam zinda hota hai har karbala ke baad" (Maulana Johar)

Zamaana baDe shauq se sun raha tha
"hameeN so gaye daastaaN kehte kehte" (Saaqib Lukhnavi)
**********

Girte hain sheh-sawaar hi maidaan-e-jaNg mein
"woh tifl kya gire ga jo ghuTnoN ke bal chale" (Azeem Dehlavi)
**********

Aie Khaal-e- rukh-e-yaar tujhe Theek banaata
"jaa **** diya haafiz-e-quraaN samajh kar" (Shah Naseeruddin Naseer)
**********

Suni hikaayat-e-hasti to darmiyaan se suni
"Na ibteda ki khabar hai na inteha maaloom" (Shaad)
**********

Gaye dono jahaan ke kaam se ham, na idhar ke rahe na udhar ke rahe
"na Khuda hi mila na visaal-e-sanam, na idhar ke rahe na udhar ke rahe
********** (Mirza Saadiq Sharar)

HazaaroN khuwaahishen aisi keh har khuwaahish pe dam nikale
bahut nikale m're armaan lekin phir bhi kam nikale (Ghalib)
**********

Daavar-e-hshar m'ra naama-e-a'amal na dekh
"is mein kuch parda nasheenoN ke bhi naam aate hain" (Taseer)
**********

Aie Zauq duKhatar-r-raz ko na muNh laga
"chuTti nahi hai muNh se yeh kaafir lagi hui" (Zauq)
**********

BaaGhbaan ne aag di jab ashiyaane ko mere
"jin pe tha takiya vohi patte hawa dene lage" (Saaqib Luckhnavi)
**********

"hue naamvar be-nishaaN kaise kaise
zameeN khaa gaye aasmaaN kaise kaise" (Ameer Meenai)
**********

Lao to qatl-naama m'ra main bhi dekh ***
kis kis mohar hai sar-e-mehzar lagi hui (Meer Mehboob Asif)
**********

Apna zamaana aap banate hain ahal-e-dil
"ham woh nahi haiN jin ko zamaana bana gaya" (Jigar)
**********

Ham rone pe aa jaayeN to darya hi baha deN
"shabnam ki tarha se hameN rona nahi aata" (Zauq)
**********

"Aa andaleeb mil ke kareN aaH-w-zaariyaaN"
tu haaye gul pukaar main chillaauN haaye dil (Sayeed Mohd Khan Rind)
**********

Nigah barq nahi chehra aaftaab nahi
"woh aadmi hai magar dekhne ki taab nahi" (Jaleen Manikpuri)
**********

Na cheD aie nikhat-e-baad-e-bahaari, raaH lag apni
tujhe aThkheliyaaN sujhi haiN ham bezaar baiThe hain (Inshaa)
**********

Raah pe unko laga laaye to hain baatoN mein
aur khul jaayeNge do chaar mulaaqaatoN mein (Daagh)
**********

Kehte haiN aaj Zauq jahaaN se guzar gaya
'kya khoob aadami tha khuda maghfirat kare" (Zauq)
**********

Zindagi zinda-dili ka naam hai
murda dil kya Khaak jiya karte haiN (Meer Dard)
**********

Jaan di, di hui usi ki thi
haqu to yeh hain keh haqu ada na hua (Ghalib)
**********