firaaq gorkhpuri

[leleram]

firaaq gorkhpuri sahab ke bare men kya batayen unke bare men aap sab jante hi hain unka poora nam raghupati sahay 'firaaq'gorkhpuri tha urdoo adab main unko vahi mukam haasil tha jo mirza ghalib,miir taqi miir, md.iqbal ya faiz sahab ko tha jyada na likhte hue lijiye unki is ghazal ka lutf lein........

ghazal ke saaz uthao barhi udas hai rat
nawa-e-miir sunao,barhi udas hai rat

nawa-e-dard mein ik zindgi to hoti hai
nawa-e-dard sunao, barhi udas hai rat

udasiyon ke jo humraz-o-humnafas the kabhi
unhen n dil se bhulao, barhi udas hai rat

jo ho sake to idhar ki raah bhool parho
sanamqade ki hawao, barhi udas hai rat

kahen n tumse to fir aor kisase kahen
siyah zulf ke saayo, barhi udas hai rat

abhi to zikr-e-sahar dosto hai door ki bat
abhi to dekhte jao, barhi udas hai rat

diye raho youn hi kuchh der hath men hath
abhi n pas se jao, barhi udas hai rat

samet lo ki barhe kam ki hai daulat-e-ghum
ise youn hi n ganwao, barhi udas hai rat

isi khandahar men kahin kuchh diye hain toote hue
inhi se kam chalao, barhi udas hai rat

do-aatasha n banaa de oose nawa-e-firaq
ye saze-ghum n sunao, barhi udas hai rat

[Narad Muni]

Ab wo apna LeLe nahi raha.
:lol: :lol: :lol: :lol:
Urdu me bahut ishmart ban giya hai.