MAA(mother)

[captain]

Main jidhar gaya,main jahan raha
meray saath tha
wohi aik saya-e-meharban
woh jo aik chehra-e-abar, tha sar-e-asmaan
pus-e-hur gumaan
woh jo aik harf-e-yaqeen tha
meray har safar ka ameen tha
woh jo aik bagh-e-erum numa,sabhi mausamoon main hara raha
woh ujar gaya........
woh jo aik dua ka charagh saa meray raaston main jala raha
woh bikhar gaya.......
meray gham ko jarr say ukharta
woh jo aik lams-e-azeez tha
kissi kapkapatay say haath ka,woh nahi raha
woh jo ankh rahti thi jagti meray naam par
wohi so gayii......
woh aik dua-e-sukoon thi meray rakht main
wohi kho gayiii.........
AAY KHUDA-E-WAHID-O-LAM YAZAL
teray aik harf kay said hain
yeh zaman makan
teray faislon kay huzoor main
na majaal hai kissi harf ki,na kissi ko taab-e-sawal hai
yeh jo zindagi ki mat'a hai
teri dain hai,tera maal hai
mujhay hai to itna malaal hai
kay jab us ki sa'at-e-aakhri sar-e-rah thi
main wahan na tha.....
meray raaston say nikal gaii,woh jo aik jaa-e-panah thi
main wahan na tha.......
sar-e-shaam mujhay dhoondti,meri maan ki bujhti nigaah thi
main wahan na tha.......
meray chaar soo hai dhuan dhuan
meray khwaab say meri ankh tak
yeh jo sail-e-ashk hai darmayaan
issi sail-e-ashk kay paar hai
kaheen meri maan
teray raham ki nahi had koi
teray a'fw(maafi) ki nahi intiha
kay to maan say barh kar shafeeq hai
woh rafeeq hai
kay jo saath ho to zindagi ki musaafatain
yeh izziyatain,yeh rukawatain
faqat aik nigah ki maar hain
yeh jo khaar hain
teray dast-e-mu'ajza saaz say
gul-e-khush jamal-e-bahar hain
meri iltija hai to bas yahi.......
meri zindagi ka jo waqt hai,katay us ki ujli duaa'oon say
teray durguzar kay huzoor main
teri barkatoon kay hisaar main
woh jo khaas chashm-e-karam main hai
ussi roshni ki qatar main
kissi cheez ki bhi kami nahi
teri bakhshishoon kay diyaar main
meri maan ki rooh-e-jameel ko
sada rakhna apnay jawar main
sada pur faza woh lahad rahay
teray lutf-e-khaas ki chaoon main

[captain]

Jab Tu Peda Howa Kitna Majbour Tha
Yeh Jahan Teri Socho`n Se Bhi Door Tha

Hath Paon Bhi Tab Tere Apne Na Thay
Teri Ankhon Main Duniya Ke Sapne Na Thay

Tujh Ko Ata Tha Sirf Rona Hi Tha
Doodh Pe Ke Kaam Tera Sona Hi Tha

Tujh Ko Chalna Sikhaya Tha Maa Ne Teri
Tujh Ko Dil Main Basaya Tha Maa Ne Teri

Maa Ke Saye Main Parwan Chalne Laga
Waqt Ke Sath Qad Tera Barhne Laga

Aahista Aahista Tu Kariyal Jawan Ho Giya
Tujh Pe Sara Jahan Mehrban Ho Giya

Zor-e-Bazoo Pe Tu Baat Karne Laga
Khud Hi Sajne Laga Khood Hi Sanwarne Laga

Aik Din Ik Haseena Tujhe Bha Gayi
Ban Ke Dulhan Woh Tere Ghar Agayi

Farz Apne Se Tu Door Hone Laga
Beej Nafrat Ka Khood Hi Tu Bone Laga

Phir Tu Maa Baap Ko Bhi Bhulane Laga
Teer Bato Ke Phir Tu Chalane Laga

Baat Be Baat Unn Se Tu Ladne Laga
Qayda Ik Naya Tu Phir Padne Laga

Yaad Kar Tujh Se Maan Ne Kaha Ik Din
Abb Humara Guzara Nahi Tere Bin

Sunn Ke Yeh Baat Tu Tesh Main Aa Gaya
Tera Gussa Teri Aqal Ko Kha Gaya

Josh Main Aake Tu Ne Yeh Maa Se Kaha
Main Tha Khamosh Sub Dekhta Hi Raha

Aaj Kehta Hoon Peecha Mera Chor Do
Jo Hai Rishta Mera Tum Se Woh Tor Do

Jao Ja Ke Kahin Kaam Dhanda Karo
Log Marte Hain Tum Bhi Kahin Ja Maro

Beth Kar Aahain Bharte The Woh Raat Bhar
Inki Aahon Ka Tujh Par Howa Na Asar

Aik Din Baap Tera Chala Rooth Kar
Kese Bikhri Thi Phir Teri Maan Toot Kar

Phir Woh Be Bass Ajal Ko Bhulati Rahi
Zindagi Isko Har Roz Satati Rahi

Aik Din Mout Ko Bhi Taras Agiya
Iska Rona Bhi Taqdeer Ko Bha Giya

Ashk Ankhon Main Liye Woh Rawana Howi
Mout Ki Aik Hichki Bahana Howi

Ik Sukoon Is Ke Chehre Pe Chane Laga
Phir Tu Mayyat Ko Iski Sajane Laga

Muddatain Ho Gayi Aaj Boorha Hai Tu
Jo Para Touti Khatiya Pe Koora Hai Tu

Tere Bache Bhi Abb Tujh Se Darte Nahi
Nafratein Hain Muhabbat Woh Karte Nahi

Dard Main Tu Pukare Ke O MERI MAA
TERE DAM SE ROSHAN THE DONO JAHAN

Waqt Chalta Rahe Waqt Rukta Nahi
Tout Jata Hai Woh Jo Ke Jhukta Nahi

Bann Ke Ibrat Ka Tu Abb Nishan Reh Giya
Dhondh Zor Tera Kahan Reh Giya

Tu EHKAM-E-RABBI Bhulata Raha
APNE MAA BAAP KO TU SATATA RAHA

Kaat Le Tu Wohi Tu Ne Boya Tha Jo
Tujh Ko Kese Mile Tu Ne Khoya Tha Jo

Yaad Kar Ke Gaya Dor Rone Laga
Kal Jo Tu Ne Kiya Aaj Hone Laga

Mout Mange Tujhe Mout Aati Nahi
Maa Ki Surat Nigahon Se Jati Nahi

Tu Jo Khansay Tu Aulad Dante Tujhe
Tu Hai Nasoor Sukh Kon Bante Tujhe

Mout Ayegi Tujh Ko Magar Waqt Par
Bann Hi Jaye Gi Qabar Teri Waqt Par

QADAR MAA BAAP KI AGAR KOI JAAN LE
APNI JANNAT KO DUNIYA MAIN PEHCHAN LE

[Eshtyle Raja]

Good one yaar,

kya baat hai dost, aaz bade shayrana mood mai ho... :hi_5:

[captain]

Good one yaar,

kya baat hai dost, aaz bade shayrana mood mai ho... :hi_5:

Yaar Admin , Aap ke alawa kisi ne Reply nahi kiya , kya baat hai ?

[JUNGLEE RAJA]

Wah Captain Saab... Beautyfull and touching... +ve to you

[captain]

Wah Captain Saab... Beautyfull and touching... +ve to you

Thanks :toast:

[LASHKAR-E-THARKI]

bahut khoob bhai, ek dum jakaas post tha +ve will be delivere shortly:toast:

[Draconian]

Good one Captain...

[JUNGLEE RAJA]

Good one Captain...

Welcome Draco bhai.. Its been a long time, How are you??

[captain]

Aap Sabka Dil Se Shukriya Ada karta hun , Bhai log:hi_5: :toast:

[Draconian]

Welcome Draco bhai.. Its been a long time, How are you??

yeah was busy with life n work :)