PDA

View Full Version : Ghalib Ki Shayri


funnyfaridabadi
18th August 2008, 03:03 PM
Mauj-e-Sharaab



Phir hua waqt ki ho balkusha(Bal khole) mauj-e-sharaab (madira ki dhara)
De bate may (Madirapaatra) ko dil-o-daste shanaa (Hriday haath ki shakti) Mauje Sharaab

Poochh Mat Wajhe-Sihaymasti(Nashe me Choor hone ka kaaran)-e-Arbaabe-Chaman(Maali)
Saaya-e-Taak(Angoor ke bail ki chhaon) me hoti hai hawa mauje sharaab

hai ye barsaat wo mausam ki ajab kya hai agar
Mauje-Hasti (Jeevan Dhara) ko kare Faize-Hawaa(Vayu ka aanand) Mauje Sharaab

Jis Qadar Ruhe-Nabati (Vanaspati ki aatma) hai jigar tashna-e-naaz (Garveeli Pyaas)
de hai taskin(tasalli) Badme-Aabe Baqa (Amrit Boond) mauje Sharaab

Bas ki daude hai rage-taak(Angoor ki rag) me khoon ho-ho kar
Shahpare-rang (Rangeen Pankh) se hai balkusha Mauje Sharaab

Mauj-e-Gul (Pushp Leher) se Charaagan (Deepotsav) Hai Guzargahe Khyaal (Kalpanao ka Raasta)
Hai Tasavvur (Kalpana) me Jibs (Atyadhik) Jalwanuma Mauje Sharaab

Nashe ke Parde me hai Mahve (Leen) Tamaasha-e-Dimaag
Bas ki Rakhti hai sare Nash-o-Numa (Vikas) Mauje Sharaab

Ek aalam (Istithi) pe hai toofani-e-Qaifiyate Fasl (Basant aagman ki umang)
Mauj-e-Sabza-e-Naukhez (Navodit Hariyali ki Bahar) se ta mauje sharaab

Sharhe(Vyakhya) Hangama-e-Hasti (Jeevan ki Chahal Pehal) hai, Zahe (dhanya0 Mausame Gul
Rehbare-Qatra B-Dariya (Boond ko Nadi tak le jaane Waala) Hai, Khusha (Bahut Achha) Mauje Sharaab

Hosh udte hai mere Jalwa-e-Gul (Phool ki Bahaar) Dekh 'Asad'
Fir Hua Waqt ki ho Balkusha Mauje Sharaab

funnyfaridabadi
18th August 2008, 05:46 PM
Ghar Mein Khaak Nahin




Maze Jahaan Ke Apni Nazar Mein Khaak Nahin
Siwaye Khoone Jigar, So Jigar Mein Khaak Nahin


Magar Gubaar Huye Per Hawa Uda Le Jaye
Vagarna Taab-o-Tanva (Sahanshakti) Bal-o-Per (Pankh aur Baal) Nahin


Ye Kis Bahishat Shamaail (Swarg Jaisi Sunder Chhavi) Ki Aamad-Aamad Hai
ki Gaire Jalda-e-Gul (Pushp Drishya), Reh Guzar Main Khaak Nahin


Bhalaa Usse Na Sahi, Kuchh Mujhi Ko Rehem Aata
Asar Mere Nafse Be-asar Mein Khaak Nahi


Khyaale Jalwa-e-Gul Se Kharaab Hai Maykash
Sharaabkhaane ke Deewaar-o-Dar Mein Khaak Nahi


Hua Hu Ishq ki Gaaratgari (Barbadi) se sharminda
Siwaaye Hasrate Ta-ameer (Nirman abhilashi), Ghar Mein Khaak Nahi


Hamaare She'r Hai ab Sirf Dillagi ke 'Asad'
Khula ki Fayda Arze Hunar (Kavya Kala) Mein Khaak Nahi

funnyfaridabadi
18th August 2008, 08:45 PM
Apni Hawa Baandhte Hai


Tere Tausan (Ghoda) ko Saba (Hawa/Badai Karna) Baandhte Hai
Hum Bhi Mazmun (Sheershak) Ki hawa Baandhte hai


Aah Ka Kisne Asar Dekha Hai
Hum Bhi Ik Apni Hawa Baandhte Hai


Teri Fursat Ke Muqabil (Saamne) Ae UmraA
Barq Ko Paa Ba-Hina (Mehndi Lage Paanv) Baandhte Hai


Qaide-Hasti (Jeevan Karavas) Se Rihai Maloom
Ashq Ko Be Sar-o-Paa (Sir Aur Pair) Baandhte Hai


Nasha-e-Rang se Hai Washude Gul (Phool Ka Khilna)
Mast Kab Bande Qaba (Dori) Baandhte Hai


Galti Haye Mazaami (Vichaaro Ki Trutiya) Mat Poochh
Log Naale Ko Rasaa (Pahunch) Baandhte Hai


Ahle Tadbeer (Upcharak) Ki Vaamaandgiya (Majbooriya)
Aabalo (Chhaale) Par Bhi Hina (Mehndi) Baandhte Hai


Saada Purkaar (Chaalaak) Hai Khubaan 'Ghalib'
Humse Paimane Wafa (Prem Vachan) Baandhte Hai

captain
19th August 2008, 09:37 PM
:thumbup::thumbup::hi_5:

funnyfaridabadi
9th September 2008, 01:43 PM
Tujh Si Koi Shay Nahi Hai



Fariyaad Ki Koi Lay Nahi Hai,
Naala (Aartnaad) Paabande Nay (Udaan Yogya) Nahi Hai


Qyo Bote Hai Baghban Toombe
Gar Bagh Gada-E-May (Madira Ka Bhikari) Nahi Hai


Harchand Har Ek Shay Mein Tu Hai
Par Tujh-si To Koi Shay Nahi Hai


Haan, Khaiyo Mat Farebe Hasti (Jeevan-Chhal)
Harchand Kahe Ki Hai, Nahi Hai


Shadi (Khushi) Se Guzar ki Gum Na Hove
Urdi (Farsi Mahina) Jo Na Ho, To Day (Farsi Mahina) Nahi Hai


Qyo Radde Qadah (Madirapatra Ka Khandan) Kare Hai Zahid
May Hai, Ye Magas Ki Qay (Ulti, Kay) Nahi Hai


Hasti Hai, Na Kuchh Adam Hai 'Ghalib'
Aakhir Tu Kya Hai Ae Nahi Hai



Urdi = Farsi Mahina Jo Basant se Pehle Aata Hai.

Day = Farsi Mah Ka Patjhad Ka Mahina